Sverri til OL í París

Í morgun tryggjaði miðvingurin Sverri Sandberg Nielsen sær eitt pláss í A-finaluni í HM í Beograd. Harvið hevur hann eisini tryggjað sær luttøku á olympisku leikunum í París næsta summar.

Sunnudagin vann hann innleiðandi róðurin, mikudagin vann hann fjórðingsfinaluna, og í dag gjørdist hann nummar tvey í hálvfinaluni.

Við tíðini 6.57.30 var hann næstur á mál - minni enn tvey sekund aftaná niðurlendska Simon Van Dorp, sum vann hálvfinaluna við tíðini 6.55.46. Á triðja plássi var nýsælendski Thomas Mackintosh við tíðini 6.58.12.