Svimjifelagið Neptun nú limur í Svimjisambandi Føroya

Starvsnevndin í Svimjisambandi Føroya samtykti hósdagin at góðkenna umsókn frá Svimjifelagnum Neptun í Runavík um limaskap, boðar Svimjisambandið frá.

Neptun varð stovnað á Glyvrum í 1964 og hevur verið óvirkið í eina tíð. Herfyri varð felagið tó endurstovnað.

Við Neptun eru nú átta virkin feløg í Svimjisambandi Føroya.

Hini feløgini eru Svimjifelagið FLOT, Fuglafjarðar Svimjifelag, Svimjifelagið Hellufossur, Havnar Svimjifelag, Svimjifelagið Reysti, Suðuroyar Svimjifelag, og Ægir.