Tríggjar tær fyrstu steypahálvfinalurnar skulu spælast í kvøld

Stóra steypafinaluvikuskifti hjá hondbóltinum veður 20. - 22. februar við Tjarnir. Skráin er løgd, og greitt er millum annað at H71 verður umboðað í øllum A-finalunum. Bæði hjá gentum og dreingjum.

Greiða skal eisini fáast á, hvørji lið skulu spæla vaksnamannafinalurnar leygarkvøldið 21. februar. Seks av teimum átta liðunum í hálvfinalunum hjá monnum og kvinnum spæla í kvøld; H71 og KÍF spæla fyrru hálvfinaluna í morgin.

Fyrru hálvfinalurnar - tveir teir ovastu dystirnir eru hjá kvinnum (Mynd: HSF)

Fulla skráin sæst niðast

Ilt er at siga, hvussu tætt alt verður yvir tveir dystir, men kanska er H71-Kyndil hjá kvinnunum á pappírinum tættast. Kyndlakvinnar eru tó, sum oddalið í SMS-deildini, at meta sum favorittar. 

Tað eru VÍF hjá kvinnum, umframt Kyndil og H71 hjá monnum eisini. Men: Alt kann henda í steypahondbólti.

FM1 sigur hjá dystinum millum Neistan og Kyndil í kvøld. Pætur Nolsøe og Tormóður Petursson Djurhuus vera til reiða á Hálsi.

Eins og í norska høvuðsstaðnum í januar, eru Tormóður P. Djurhuus og Pætur Nolsøe til reiðar við mikrofonirnar á Hálsi í kvøld (Mynd: Sverri Egholm)

----------------------------------------------------

Skráin

Kvinnur:

VÍF - Neistin
H71 - Kyndil

Menn: 

Neistin - Kyndil

KÍF - H71

Skíggjamyndir: HSF

FM1 fer at siga frá fleiri av hálvfinalunum hesa vikuna. Byrjað verður við grannauppgerðini á Hálsi klokkan 20 í kvøld.

Lurta her

Til ber eisini at fylgja gongdini í dystunum ovast á Portalinum.