Fótbóltur

Trý ára sáttmáli: Kim Engstrøm nýggjur høvuðsvenjari hjá HB

HB hevur fingið nýggjan venjara.

2022-01-11 21:57 Author image
Sverri Egholm
placeholder

Tað ljóðaði fyrr í dag, at HB og 42 ára gamli danin Kim Engstrøm vóru í tøttum samráðingum.

Í kvøld er Kim Engstrøm settur sum høvuðsvenjari á besta liðnum hjá HB. Talan er um ein sáttmála sum er galdandi næstu trý árini.

Kim Engstrøm hevur hægstu venjaraútbúgving – UEFA Pro Licence. Síðani 2016 hevur Kim verið venjari hjá U19-liðnum hjá OB, sum hann vann danska meistaraheitið við í 2020.

HB boðaði í gjár frá, at neyðugu loyvini hjá hjálparvenjaranum Kevin Schindler ikki fóru at koma upp á pláss fyribils, og ætlanin um, at hann skuldi yvirtaka starvið sum høvuðsvenjari var tí slept.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder