U17: Flott føroyskt annað pláss í Slovenia

- Vit eru sjálvandi sera væl nøgd við kappingina. Serliga 4-0 sigurin á Slovenia var fantastiskur.

Hetta sigur Fannhard Antonsson Skoradal, venjari hjá U17 landsliðnum við gentum, eftir væleydnaðu EM-undankappingina í Slovenia. Talan gjørdist um tveir stórsigrar og eitt stórtap. 

Føroysku genturnar løgdu fyri við at vinna ein ruddilgan 4-0 sigur á slovensku vertunum. Sara Benjaminsen skoraði tvey mál, Kára Sigurðsson gjørdi eitt, meðan eitt var sjálvmál.

Les meira: U17 settu slovensku vertirnar so dyggiliga uppá pláss

Verri var í øðrum dystinum.

- Fekk sigurin á Slovenia okkara gentur á flog, so fekk annar dysturin í kappingini tær niður á jørðina aftur. Eftir at hava vunnið stórt, máttu okkara gentur leggja rygg til 6-0 tap fyri Belgia, ið eisini vann bólkin við fullum stigatali og málmuninum 21-0.

Føroyska liðið reistist tó skjótt aftur, staðfestir FSF. Við eini stórspælandi Káru Sigurðsson á liðnum endaðu Føroyar at vinna kappingina við at vinna 6-1 á Aserbadjan. Kára skoraði fýra mál, Sára Justinussen gjørdi eitt, meðan tað fyrsta var sjálvmál.

Belgia vann bólkin við níggju stigum, Føroyar fingu seks stig, Slovenia bleiv nummar trý við trimum stigum, og aftast varð Aserbadjan við ongum stigi.

Tað næst á skránni hjá U17 landsliðnum við gentum er Baltic Cup, sum verður í Lettlandi mánaðarskiftið juni-juli.

Myndir: Malena Josephsen