Hondbóltur

U18 EM: Portalurin stroymir týðandi dystin móti Svøríki frá klokkan 10.45

HM-pláss og styrkisstig eru uppá spæl í serbiska høvuðsstaðnum, og til ber at fylgja við á Portalinum og FM1: Pætur Nolsøe og Tormóður Djurhuus sita til reiðar stutt fyri klokkan 11.

Føroyingar hava bert fingið hvíld í eitt lítið samdøgur - nú skal stríðið við sviar standa í Serbia (Mynd: Dusan Milenkovic)

Føroyingar hava bert fingið hvíld í eitt lítið samdøgur - nú skal stríðið við sviar standa í Serbia (Mynd: Dusan Milenkovic)

2026-08-07 07:15 Author image
Agnar Prestá
placeholder

Føroysku U18-menninir skulu nú spæla um 13. - 16. pláss í EM-endaspælinum.

Tað snýr seg um ikki at enda aftast har, tað vil siga vinna ein av teimum báðum dystunum, sum eru eftir.

Hetta er tí, at man tryggjar pláss í U19 HM næsta ár við at enda í topp 15.

Sí eisini: Føroyar skulu stríðast við Svøríki um HM-pláss fríggjadagin

Spælt verður eisini um týðandi styrkisstig framvegis, og ein sigur í norðurlendskum braki man eisini merkja nakað fyri sjálvskensluna.

Dysturin í Beograd byrjar klokkan 11.00. Portalurin og FM1 senda frá klokkan 10.45 - til ber at stroyma dystin á portal.fo, um ein er í Føroyum ella er uttanlands við føroyskum haldi og nýtir data (5G)

Pætur Nolsøe og Tormóður Petursson Djurhuus vera til reiðar við mikrofonirnar

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder