UEFA ætlar at brúka VAR í Nations League

Tá endaspælið í Nations League verður spælt í Portugal í vikuni fáa dómararnir hjálp av VAR.

UEFA hevur brúkt sjónbandadómarar í bæði Champions League og finaluni í Europa League og hetta hevur eydnast somikið væl, at avgjørt er eisini at brúka var í endaspælinum í Nations League.

Í hálvfinalunum spæla Ongland, Portugal, Sveis og Holland, og venjararnir hjá liðunum er væl nøgdir við avgerðina.

Fyrsta hálvfinalan verður spæld mikukvøldið. Hon er millum Portugal og Sveis.