Ungdómslandsdystir millum Føroyar og Ísland komandi vikuskifti

Um vikuskiftið, 14. og 15. juni, fara U17- og U19-kvinnulandsliðini at spæla vinardystir móti Íslandi.

Dystirnir verða ávikavist klokkan 14 og 16 báðar dagarnar. Leygardagin verður spælt í Vestmanna, og sunnudagin við Streymin, og dystirnir kunnu stroymast á live.hsf.fo.

Fyri bæði londini er talan um fyrireikingardystir til komandi EM-endaspølini í summar, sum bæði verða leikt í Montenegro, skrivar Hondbóltssamband Føroya.

EM fyri U19-landslið verður leikt frá 9. – 20. juli, og EM fyri U17 verður leikt frá 30. juli til 10. august.