Agnar Prestá
Eins og í fjør, er Valur í European Cup-finalunum við einum føroyskum spælara í hópinum.
Hesaferð er tað kvinnuliðið hjá íslendska felganum, sum Silja Arngrímsdóttir Müller er partur av.
Føroyski málverjin og liðfelagarnir vitjaðu BM Porriño , sum er í Vigo-økinum í Spania, í fyrru finaluni fyrr í dag.
Umleið 2.000 áskoðarar vóru til staðar, skrivar handbolti.is, og teir sóu ein spennandi dyst.
Útiliðið var vælspælandi og effektivt fyri steðgin. Støðan var 16-12, tá liðini fóru at hvíla seg í Spania.
BM Porriño var tó betri eftir steðgin og vann seg skjótt upp á javnt. Tað endaði 29-29, og harvið er alt opið undan seinna dystinum. Hann verður á Hlíðarenda í Reykjavík, leygardagin 17. mai klokkan 14.
Silja Müller er ungur málverji, sum í Vali stendur í skugganum hjá. Hafdís Renötudóttir. Hon hevur havt eitt ógvuliga gott kappingarár, men tað gekk ikki so væl hjá Renötudóttir í dag. Silja fekk eina løtu á vøllinum, og hevði føroyski landsliðsmálverjin eina bjarging. Hon fekk trý skot ímóti sær.
Vinarliga broyt tínar kennifíla - og privatlívsstillingar fyri at síggja hetta innihald