Váttað: Teis Horn Rasmussen til Ribe-Esbjerg

Sum Portalurin hevur skrivað áður, og sum vit so at siga fingu staðfest við 100 prosent vissu í gjár, so skal Teis Horn Rasmussen nú spæla í fremstu donsku deildini.

Sí eisini: Teis hevur nú sína hondbóltsframtíð uppá pláss

Hetta verður við Ribe-Esbjerg. Tað hevur felagið kunngjørt fyri sínum stuðlum og fjepparum seinnapartin í sambandi við fyrsta landskappingardystin í ár.

Talan er um eitt-ára sáttmála, galdandi fyri kappingarárið 2025-2026.

Teis Horn Rasmussen kann fegnast um at hava skrivað undir sáttmála við felagi á hægri stigi (Savnsmynd: Sverri Egholm)

Teis er triði føroyski landsliðsspælarin, sum nú tekur fetið til bestu donsku deildina, sum er ein av teimum fremstu í heiminum. Pauli Jacobsen er fluttur upp við HØJ, og Óli Mittún er í skrivandi stund við sín fyrsta landskappingardyst við GOG - Hann sæst á TV2

Hetta er sera gott fyri Teis sjálvan, umframt landsliðið. 29-ára gamli strikuspælarin skiftir úr Aarhus Håndbold í næstbestu deildini. Har hevur sterki maðurin, við hondbóltsuppvøkstrinum í Neistanum, spælt tvey tey seinastu árini.

Ribe/Esbjerg endaði í fjør nummar 10 av teimum 14 liðunum í Håndboldligaen

Dagført: 16.02