Hondbóltur

Veðrið í Vágum ávirkar Wenzel Nordic Cup

Hópurin hjá Kiel nær ikki at lenda til dystin móti H71 í kvøld. Dysturin millum Valur og GOG er útsettur til kl. 20.

Elias Ellefsen á Skipagøtu og hinir hjá Kiel klára ikki at lenda í nóg góðari tíð í kvøld. Tískil er dysturin móti H71 tikin av skánni (Mynd: Sverri Egholm)

Elias Ellefsen á Skipagøtu og hinir hjá Kiel klára ikki at lenda í nóg góðari tíð í kvøld. Tískil er dysturin móti H71 tikin av skánni (Mynd: Sverri Egholm)

2026-08-13 15:53 Author image
Sverri Egholm
placeholder

Vegna veður og seinkaðar flogferðir í dag og í gjár, eru broytingar gjørdar í dystarskránni til Wenzel Nordic Cup í kvøld.

Dysturin millum Valur og GOG er útsettur til klokkan 20 í kvøld.

Dysturin millum Kiel og H71 verður tíverri ikki spældur í kvøld. Orsøkin er, at ferðalagið hjá Kiel ikki nær at lenda til dystin í kvøld.

- Vit harmast um støðuna og tær avleiðingar, hon hevur fyri áskoðarar, leikarar og onnur, sum eru partur av tiltakinum. Umstøðurnar eru uttan fyri okkara ávirkan, og arbeitt verður við at tillaga skránna.

Ætlanin er, at dystirnir í morgin kunnu avgreiðast sum áður ætlað.

Nærri kunning um skránna fyri morgindagin verður tøk, so skjótt sum hon er endaliga staðfest.

Allir dystirnir frá Wenzel Nordic Cup kunnu stroymast á Portalinum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder