Fótbóltur

Video: Málskjúttin tordi ikki at hyggja eftir endanum

Teir síðstu tíggju minuttirnir vóru forferdiligir, men eg lúrdi úr tunnelini, og Mattias er góður fyri okkum, staðfestir Áki Samuelsen. - Gott at geva øllum hesum fjepparunum okkurt at fegnast um.

Vinarliga broyt tínar kennifíla - og privatlívsstillingar fyri at síggja hetta innihald

2026-11-16 18:36 Author image
Agnar Prestá
placeholder

- Tað kundi sjálvandi verið uppaftur betri í hesari kappingini, men nú eri eg bara glaður: Gott at vit kunnu geva øllum hesum mongu føroyingunum á Tórsvølli nakað at fegnast eitt sindur um.

Hetta sigur Áki Samuelsen eftir fyrsta sigur hansara sum A-landsliðsspælari. Eftir ein dyst har 22-ára gamli havnarmaðurin skoraði einasta, og harvið avgerandi málið.

[object Object]
Liðformaðurin Odmar Færø og hinir fagna Áka Samuelsen, sum avgjørdi alt á Tórsvølli (Mynd: Sverri Egholm)

Myndir: Minniligi novembersigurin á Moldova

Mjällby-spælarin hevði ikki spælt kappingardystir fyri A-landsliðið undan hesari Nations League-kappingini, men vandamikli vongurin skoraði í helminginum av dystunum (3 mál í 6 dystum), og føroyski toppskjúttin legði eisini upp til eitt mál í tí eina dystinum, hann var innskiftari (Slovakia á heimavølli). Sjálvur heldur Áki Samuelsen, at hetta var rætta løtan.

- Haldi ikki beinleiðis at eg eri komin ov seint á A-landsliðið. Tíðin á U21-landsliðnum var góð og gevandi, og tað var gott, at eg var til reiðar, tá tíðin nú kom.

Hann viðgongur, at tað stóð nógv á móti endanum, sum Áki Samuelsen sá uttanfrá - ella bara partvíst sá.

Hoyr samrøðu við málskjúttan ovast

Nations League Deild C, bólkur 3
6. og seinasta umfar, mánadagin 16. november
Føroyar - Moldova 1-0 (1-0)
25' Áki Samuelsen (Adrian Justinussen)

Sí meira um dystin her - Les meira her

Endaliga Støðan

1. Slovakia 12 stig *
--------------------
2. Føroyar 8 stig **
-------------------
3. Moldova 7 stig
4. Kasakstan 3 stig **

* Hevur vunnið bólkin
** Skulu spæla røkkstøkkdystir í mars um uppflyting

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder