Agnar Prestá
Í 1. umfari í langa bólkaspælinum í Champions League hjá monnum stóðu føroyingarnir í kappingini seg væl:
Hákun West av Teigum í Fraklandi og Óli Mittún í Barcelona.
Les eisini: Hákun skoraði seks mál í Fraklandi - Óli GOG-toppskjútti í Barcelona
Føroyski høgri vongurin hjá týsku meistarunum skoraði í gjár seks mál (uppá sjey skot) fyri Füchse Berlin. Harvið heldur Hákun West av Teigum fram við sama lag í fremstu evropeisku kappingini.
Sí eisini: Hákun West av Teigum millum toppskjúttarnir í Champions League-finaluni
Hæddarpunktini frá 40-34 sigrinum hjá Füchse Berlin í Nantes síggjast her. Tíverri er einki mál hjá Hákuni West av Teigum við, men frá 0.10 sæst støðan, tá føroyingurin á flottan hátt vinnur ein bólt í verjustøðu og sendir Marsenic avstað.
Video: EHF/Youtube
Barcelona avgjørdi alt fyri steðgin móti GOG (25-14). Í seinna hálvleiki gekst betri hjá GOG, sum minkaði um munin móti katalansku risunum.
Tað endaði 37-32, og Óli Mittún fekk nakrar góðar løtur í sínum fyrsta Champions League-dysti.
Nummat 78 var GOG-toppskjútti við fimm málum, uppá seks skot móti Emil Nielsen og Viktor Hallgrímsson. Óli Mittún er eisini skrásettur fyri tvey upplegg í Barcelona.
Ein persónliga góð byrjan hjá 20-ára gamla hoyvíkinginum í kappingini, har hann helst fer at gera vart við seg ofta í framtíðini.
Sí hæddapunktini frá Barcelona - GOG ovast ella her. Eitt gott mál hjá Óla Mittún sæst eftir 2.40
Vinarliga broyt tínar kennifíla - og privatlívsstillingar fyri at síggja hetta innihald