Video: Sterk kappróðrarmanning roynir seg við sangi

Ørvur hevur í ár gjørt hol í sjógvin hjá 8-mannaførunum. Manningin hjá Havnar Róðrarfelag hevur vunnið allar seks róðrarnar higartil, og fleiri av sigrunum hava verið sannførandi.

Harvið er tað bert á pappírinum, at Ørvur enn ikki er føroyameistari. Hetta kemur í lag á ólavsøku, uttan so at báturin fær reytt kort, og manningin úr Havn fær sjálvandi eftir 1. plássinum.

Sí eisini: Heili 125 bátsmanningar hava meldað til ólavsøkuróðurin

Fyriuttan at fyrireika seg til at stríðast um ólavsøkusigur, hava tey á Ørvi nú verið í upptøkuhølunum. 

Í fjør var tað Á, Tann Deiliga Havn, sum róðrarfólki royndi seg við - nú er tað "Her er løtan" hjá 4.

Uttan at fara ov langt inn í metingar um tónleik, so eru dygdinar hjá manningini sum heild betri umborð ella í upptøkuhølunum, men til ber at meta um sjálvi niðanfyri ella her. Í øllum førum eitt frískligt innslag - við videolagi og ta heila.