Agnar Prestá
26. oktober 2019 - tað er líka yvir eitt hálvt ár síðani - vórðu seinastu dystirnir í Betrideildini leiktir. Talan gjørdist um tað perfekta punktumi fyri KÍ, ið gjørdist meistari fyri fyrstu ferð í tjúgu ár við 3-0 sigri í Gundadali á B36 í avgerandi dystinum
Les eisini: B36 og KÍ tapa sjáldan í 1.umfari
Tann dagin vóru áleið 5.000 fólk, ið av álvara settu dám á "FM-finaluna". Í dag verða eingir áskoðarar við Djúpumýru, tá B36 og KÍ hittast aftur. Kring landið verður ógvuliga tómt á ítróttarøkinum - bert tey ið hava uppgávur í samband við dystin sleppa inn á økið, og FSF og feløgini hava staðiliga heitt á fjepparar um at verða heima.
Les eisini: Uppgávan hjá miðlunum størri
Møguleiki er at síggja allar fimm dystirnar hjá Televarpinum. Ekstra Bladet Plus og og svenska offside.org vísa, eins og Rás 1, dystin við Løkin millum NSÍ og TB, sum byrjar klokkan 15.00. Tá er fyrsta bríksl eisini í Gundadali, har HB tekur ímóti EB/Streymi. Tað er tann fyrsti av trimum dystum í dag, sum TV2 Sport Norge vísur. Stóra norska rásin hevur rættindi til fyrstu 12 umførini - fram til summarsteðgin - og vísur eisini dystin í Klaksvík og tann á Argjum, har Víkingur vitjar. Tað er tann seinasti í dag - hann byrjar klokkan 19.
Les eisini: Her eru allar okkara upptaktir
Klokkan 16 byrjar dysturin á Skála, har teir appelsinlittu taka ímóti ÍF, ið ikki fluttu niður í fjør, hóast bert seks stig á kontoini. Hetta er einasta innanhýsis "botn-fimm" uppgerð í umfarinum. Nógv er óvist viðvíkjandi kappingini, nú byrjanin varð útsett í tveir mánaðir vegna korona, og tað er møguligt, at summi av liðunum, ið væntandi fara at vera í niðaru hálvu, fara at arga tey ovaru í byrjanini. Tó er eitt av tí, sum væntandi kemur at standa fast, at kappingin verður tvíbýtt á ein hátt.
Vit fáa nøkur fleiri svar í dag, tá bólturin aftur hevur verið á rull. Seks tímar við fótbólti eru á skránni, og hóast áskoðarar ikki sleppa inn, so hevr áhugin uttanfrá ongantíð verið størri. BBC News hevur havt eina samrøðu við Mikkjal Thomassen, fjepparalutir verðaseldir í hópatali til Noreg, tað ber til at seta sítt dreymalið við leikarum frá Betrideildini, har ein so fær stig eftir teirra avrikum, fjepparafeløg eru sett á stovn, o.s.fr.
1. umfar í Betrideildini
15.00: NSÍ - TB
HB - EB/Streymur
16.00: Skála - ÍF
17.00: KÍ - B36
19.00: AB - Víkingur
Vit hava beinleiðis dagføring á forsíðu okkara, eru runt við myndatólinum, gera yvirlit ígjøgnum dagin og hava dystarfrásagnir.
Vinarliga broyt tínar kennifíla - og privatlívsstillingar fyri at síggja hetta innihald