Agnar Prestá
Hann var á bonkinum fyri viku síðani, tá Hearts spældi landskappingardyst móti Motherwell.
Tá kom Aron Benjaminsen ikki inn, men tað gjørdi 18-ára gamli strandingurin í dag.
Hearts spældi League Cup hálvfinalu móti Edinburgh-grannunum Hibernian (Hibs) á stóra og søguríka Hampden Park-tjóðarleikvøllinum í Glasgow.
Tað var 2-1 til Hibs, tá Aron Benjaminsen varð settur á vøllin eftir 80 minuttir.
Tað eydnaðist ikki føroyinginum og hinum at venda tí, men hetta var ein serstøk løta: At fáa fyrsta dystin fyri besta liðið.
Harvið skal Hibs spæla finalu í minni skotsku steypakappingini móti Glasgow Rangers. Aron Benjaminsen kann spæla fyrsta dystin í skotsku Prermier League um eina viku - hósdagin spælir Hearts Conference League-dyst í Sveis.
Landsliðsúttøka verður í morgin. Mest sannlíkt verður 18-ára gamli vongurin á listanum hjá Eyðuni Klakstein.
Vinarliga broyt tínar kennifíla - og privatlívsstillingar fyri at síggja hetta innihald