Fótbóltur

Atgongumerkjasølan byrjar í morgin

Stórur áhugi tykist vera fyri HM play-off dystunum móti Norðurmakedónia í mai, og atgongumerki til dystin á Hálsi 8. mai koma til sølu kl. 12, fríggjadagin 23. februar.

Umleið 5.000 føroyingar vóru á staðnum í Berlin og stuðlaðu á frálíkan hátt. Skjótt skulu Føroyar royna at koma í enn eitt endaspæl - tað er ikki pláss fyri meira enn umleið 1.800 áskoðarum til play-off dystin á Hálsi (Mynd: Sverri Egholm)

Umleið 5.000 føroyingar vóru á staðnum í Berlin og stuðlaðu á frálíkan hátt. Skjótt skulu Føroyar royna at koma í enn eitt endaspæl - tað er ikki pláss fyri meira enn umleið 1.800 áskoðarum til play-off dystin á Hálsi (Mynd: Sverri Egholm)

2024-02-22 18:05 Author image
Agnar Prestá
placeholder

Hjá hondbóltsáhugaðum og spentum føroyingum ræður helst um at sita til reiðar á atgongumerki.fo á middegi í morgin.

- Í morgin, fríggjadagin 23. februar kl. 12, koma atgongumerkini til HM play-off dystin Føroyar – Norðurmakedonia til sølu. Atgongumerkini koma til sølu á atgongumerki.fo.

Hetta minnir Hondbóltssamband Føroya um í dag.

Heimadysturin móti Norðurmakedónum 8. mai er hin fyrri av tveimum HM play-off dystum um eitt pláss í HM-endaspælinum. Seinni dysturin verður leiktur sunnudagin 12. mai í Skopje.

Lagt er upp til javnar og ógvuliga spennandi dystir. Í løtuni skilir bert eitt pláss liðini á EHF-styrkislistanum.

Føroyar eru nummar 20 í Evropa, hondbóltsfepurin er høgur, og gravgangurin eftir lutfalsliga fáu atgongumerkjunum verður helst stórur. Tað eru pláss fyri umleið 1.800 áskoðarum til slíkar dystir í Høllini á Hálsi.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder