Ingi Samuelsen
Ein forloysandi kensla. Vit vunnu við 11 málum móti Paraguai. So óttin, ið vit høvdu í hálvleikinum var til fánýtis. Har var onki at vera bangin fyri.
Eftir at A-ketan hevði gjørt kvinnurnar hjá Paraguai væl og virðiliga moyrar, tók b-ketan yvir og koyrdi tað heim.
Móti endanum vóru tað Marianna Geirsdóttir Eystberg, Marianna Mortensen, Anna Elisabeth Weyhe, Karin Egholm sum vístu vegin. Og tvíburasystrarnar Zachariassen í verjuni.
Tað var ein sannførandi uppvísing í góðum og miðvísum hondbólti.
Mongenegro og Spania megnaðu einans at vinna á Paraguai við 9 – vit gjørdu tað við 11 málum.
Her er ongin ivi. Als eingin. Vit komu lættliga víðari til Dortmund.
Spurningurin er um Týskland, Serbia og Ísland eru blivin bangin fyri okkara djørvu kvinnum, sum nú hava spælt sannførandi í trígjar dystir.
Vinarliga broyt tínar kennifíla - og privatlívsstillingar fyri at síggja hetta innihald