Føroyar skulu aftur royna seg á Sandi klokkan 17

Føroyar taptu 3-0 fyri Norðurmakedónia fríggjakvøldið, har tær hjá Føryum serliga iðraðu seg um annað setti. Tað var møguligt at vinna - annars taptu vertirnir greitt.

Norðurmakedónia og Eysturríki hittust í gjár, leygardagin. Har vóru favorittarnir úr Eysturríki omaná og vunnu 3-0 við settúrslitunum 25-12, 25-12, 25-20.

Eysturríki væl og virðiliga omaná móti Norðurmakedónia (Mynd: Flogbóltssamband Føroya)

Eysturríki var tíðliga síðsta summar í deildini omanfyri - Gulliguni. Talan er tískil um eitt lið á rímiliga høgtum stigi, og talan verður um eina ógvuliga stóra uppgávu hjá føroysku kvinnunum í kvøld.

Ciro Zoratti og toymi hava havt nakað av tíð at rætte tey lýti, sum vóru fríggjakvølið. Tíðliga í kvøld skulu føroysku kvinnurnar royna at fáa eitt heilt gott avrik á heimavølli.

Myndir: Flogbóltssamband Føroya

Dysturin móti hægst styrkismetta liðnum í bólkinum byrjar klokkan 17. Hann verður í høllini Inni í Dal á Sandi og sæst annars á Rás 1 hjá Televarpinum.