Fótbóltur

Gunnar Vatnhamar og Víkingur vunnu seg víðari í Albania

Leirvíkingurin við til at halda málið reint í 2-0 sigrinum, sum merkir, at íslendsku greipuvinnararnir skulu spæla í 3. umfari í Conference League.

Gunnar Vatnhamar í EM-undankappingardystinum í Tirana, sum endaði 0-0. Hetta var í november í fjør - í gjár sigraðu Gunnar og Víkingur í Albania (Savnsmynd: Sverri Egholm)

Gunnar Vatnhamar í EM-undankappingardystinum í Tirana, sum endaði 0-0. Hetta var í november í fjør - í gjár sigraðu Gunnar og Víkingur í Albania (Savnsmynd: Sverri Egholm)

2024-08-02 09:51 Author image
Agnar Prestá
placeholder

Egnatia vann 1-0 í Reykjavík í síðstu viku, og tískil var arbeiðssetningurin hjá Víkingi Reykjavík heldur harður í Albania í gjár.

Hann greiddu íslendsku greipuvinnararnir tó væl. Íslendska deildin er styrkismett nakað omanfyri tí albansku, og Víkingur var omaná í gjár - serliga í 1. hálvleiki.

Í 28. minutti gjørdi heimaliðið sjálvmál, og beint eftir hálvleik sló Aron Elís Þrándarson til.

0-2 gjørdist eisini endaliga úrslitið á degnum, og harvið er Víkingur víðari í Conference League.

[object Object]
Mynd: fotbolti.net

Gunnar Vatnhamar spældi allan dystin á tamb í verjuni, ið helt málið reint. Harvið aftur ein góð uppliving hjá 29-ára gamla landsliðsspælaranum í Albania - í november 2023 fingu Føroyar javnleik í Tirana í EM-undankappingini.

Í 3. umfari í Conference League skulu leirvíkingurin og liðfelagarnir spæla móti estisku meistarunum Flora Tallinn.

Fyrri dysturin verður spældur í Reykjavík hósdagin 8. august - seinni dysturin eina viku seinni í estiska høvuðsstaðnum. Lagt er upp til tætta uppgerð.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder