Ingi Samuelsen
Franska fótbóltsstjørnan, Kylian Mbappé, er ikki longur skuldsettur í einum máli um valdstøku í svenska høvuðsstaðnum Stockholm í oktober.
Tað boðar svenski ákærumyndugleikin frá sambært svensku tíðindastovuni TT.
- Í kanningararbeiðinum hevur ein persónur verið útpeikaður undir illgruna fyri valdstøku og í tveimum málum um kynsligan ágang. Men mín meting er, at prógv ikki eru til at koma víðari í málinum, og kanningararbeiðið er nú støðgað, sigur Marina Chirakova, ákæri.
Navnið á Mbappé hevur ongantíð verið nevnt í sambandi við málið, men fótbóltsspælarin kom herfyri við viðmerking um møguligu ákæruna í eini samrøðu við sjónvarpsstøðina Canal+.
- Eg undrist ikki, og hevði trupult við at fata tað. Ongin úr Svøríki, hvørki løgregla ella myndugleikar hava sett seg í samband við meg, segði Kylian Mbappé.
Vinarliga broyt tínar kennifíla - og privatlívsstillingar fyri at síggja hetta innihald