Ingi Samuelsen
Spælið er ikki sannførandi í dystinum millum Føroyar og Paraguai.
Okkara gentur eru ikki nóg neyvar í álopsspæli. Missa bóltar, og misnýta ov nógvar fríar málmøguleikar.
Ein leiðsla á 3 mál er ikki nóg mikið.
Tað sæst væl, at føroyska liðið – mann móti manni, sum sagt verður hóast tað eru kvinnur sum spæla – er nógv betri. Men vit eru langt frá at hava tamarhald á dystinum.
Her eru ikki stundir at taka sær av løttum.
Uppgávan má takast í allar størsta álvara.
Hálvleikurin byrjaði væl. Eitt nú við at Lív S. Poulsen, sum kiksaði alt hon fekk fatur á móti Spania til honn varð tikin út, skjeyt fýra av teimum fyrstu fimm málunum. Síðan hevur ikki riggað hjá henni.
Vit hava sæð nakrar nýggjar spælarar á vølli í dag.
Eitt nú góði langskjúttin Marita Mortensen, sum fekk eitt flott mál í sínum fyrsta álopi, men tað komu ikki fleiri, hóast hon hevði onkrar royndir.
Eisini er Vár Zachariassen komin inn at spæla í miðverjuni. Tvíburðarnir Vár og Lív Zachariassen hava staðið væl. Yvirhøvur hevur verjan klárað seg gott, og Rakul hevur eisini havt tær bjargingar, ein kundi vænta frá henni.
Men her skal tosast við stórum bókstavum í hálvleikinum.
Okkara kvinnur mugu vera meira miðsavnaðar í álopsspælinum, tí vandin fyri at kiksa liggur og lúrir, og tann kenslan er ikki góð
Vinarliga broyt tínar kennifíla - og privatlívsstillingar fyri at síggja hetta innihald