Jóhan á Plógv aftur úttikin til danska landsliðið

Tá donsku heimsmeistararnir og olympisku meistararnir luttaka til EM-endaspælið í hondbólti í januar, verður tað við havnarmanninum Jóhan á Plógv Hansen á liðnum.

Danski EM-hópurin er úttikin í dag.

31 ára gamli vongurin spældi fyrsta landsystin á danska A-landsliðnumí 2015, og hevur síðan tá verið við til at vunnið HM-gull fýra ferðir á rað, OL-silvur, EM-bronsu og EM-silvur.

Tað er skiftandi við spælitíð hjá Jóhan á Plógv Hansen, men hann er so við aftur hesaferð.

Jóhan á Plógv vendi í ár aftur til danskan hondbólt eftir fimm ár í týskum hondbólti. Hann var toppskjútti í fjórðingsfinaluni í steypakappingini móti Óla Mittún og GOG mikukvøldið við tíggju málum. Kortini vann GOG dystin.