Annað

Leggur til brots í morgin árini

Jákup Petur Eliassen hevur enn einaferð sett sær eitt mál. Hesaferð er tað at súkkla til nærum allar bygdirnar í Føroyum upp á 48 tímar.

(Savnsmynd: Jens Kr. Vang)

(Savnsmynd: Jens Kr. Vang)

2022-06-26 19:51 Author image
Sverri Egholm
placeholder

Byrjað verður í Sumba í morgin árini og 48 tímar seinni er ætlanin at koma á mál á Vaglinum.

Jákup Petur Eliassen gjørdi í 2020 eitt sonevnt Everesting tá hann súkklaði 42 ferðir niðan á Kleynsvarða fyri at røkka 8.848 metrum. Hæddina á Mount Everest. Í fjør gjørdi hann tað so aftur, men tá var tað til gongu. Hann gekk tá saman við systkinabarninum Ken Bærendsen 18 túrar av Eiðisskarði niðan á Slættaratind upp á eitt samdøgur.

[object Object]Tá Jákup Petur Eliassen kom á mál aftaná 18 túrar niðan á Slættaratind upp á eitt samdøgur (Mynd: Sverri Egholm)

Nú hevur hann aftur sett sær eitt mál, og tað er hesaferð at súkkla til nærum allar bygdir í Føroyum upp á 48 tímar.

Hann fær hjálp frá Atlantsflogi, og verður flogin við tyrlu til Fugloyar og á Kalsoynna. Aðrastaðni verður hann sigldur við báti um firðirnar.

Tilsamans er teinurin 610 kilometrar langur.

Súkklað verður í allan morgin frá klokkan 9 til umleið á midnátt, og tá verður eftir ætlan endað í Gásaali. Týsdagin verður farið við tyrlu í Fugloy og síðani verða norðoyggjar tiknar. Síðani er Eysturoyggin á skránni, og súkklað verður alla náttina. Klokkan 9 mikumorgunin er ætlanin at koma á mál á Vaglinum

Til ber at síggja alla skránna fyri túrin á Facebook-brúkaranum hjá Jákup Petur Eliassen.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder