Fótbóltur

Norðurmakedónia, Georgia, Ísrael og Rumenia: Eitt av hesum á skránni síðst í mars 2027

Hesi fýra endaðu aftast í sínum bólki í Deild B. Lutakastið er á skránni fríggjadagin 20. november klokkan 11.

Andrias Edmundsson í seinasta Nations League-dystinum í 2024, sum var í Skopje. Hetta var annar dysturin undir hesum venjaratoyminum - Føroyar hava 25 prosent møguliga fyri at aftur at hitta Norðurmakedónia, sum tríggir tættir dystir hava verið ímóti seinastu árini (Mynd: Hans Erik Danielsne/FSF)

Andrias Edmundsson í seinasta Nations League-dystinum í 2024, sum var í Skopje. Hetta var annar dysturin undir hesum venjaratoyminum - Føroyar hava 25 prosent møguliga fyri at aftur at hitta Norðurmakedónia, sum tríggir tættir dystir hava verið ímóti seinastu árini (Mynd: Hans Erik Danielsne/FSF)

2026-11-17 22:13 Author image
Agnar Prestá
placeholder

Eftir dystirnar í kvøld er greitt, júst hvørjir fýra møguleikar eru hjá føroyska manslandsliðnum til Nations League-røkkstøkkdystirnar í mars 2027.

Talan er um teir fýra tapararnir í Deild B, sum Føroyar royna at koma upp í nú. Talan er um liðini, sum endaði aftast í sínum bólki, har fýra lið vóru í hvørji.

Bólkur 1:
Norðurmakedónia
- endaði aftast við ongum stigi

Bólkur 2: 
Georgia - 
endaði aftast við ongum sigri (2 stig)

Ukraina vann 1-0 á Georgia í avgerandi dystinum um at sleppa undan aftasta plássinum. Hann varð spældur í Kosice í kvøld - á leikvøllinum har Føroyar og Slovakia spældu 2-2 javnleik fríggjakvøldið.

Sterki georgiski miðverjin Luka Lochoshvili fekk reytt kort og hevur harvið leikbann fyrra dystin í mars. Heimsstjørnan úr PSG, Khvicha Kvaratskhelia, hevur álvarsaman knæskaða, og verður ikki við tá røkkstøkkdystirnir verða spældir.

Bólkur 3: 
Ísrael 
- endaði aftast við fýra stigum (fýra javnleikir í seks dystum)

Ísrael megnaði at spæla javnt móti bólkavinnarunum Eysturríki í kvøld, men tað var ikki nóg mikið. Dysturin varð spældur í Ungarn, og í løtuni eru heimadystirnir hjá Ísrael ikki í heimlandinum.

Bólkur 4:
Rumenia - endaði aftast  (ein sigur og fimm tap)

Á pappírinum tað besta av 4'arunum frá B-bólkinum. Vóru á odda í Bosnia&Hersegovina í kvøld men taptu og endaðu harvið beint aftanfyri Pólland, sum Rumenia basti í síðstu viku - men taptu 6-0 ímóti 2. oktober.

Eitt av hesum liðunum kemur úr pottinum saman við Føroyum fríggjadagin 20. november, stutt eftir klokkan ellivu føroyska tíð. 

Á pappírinum er nakað torført at peika á eitt ynskimótstøðulið. Rumenia man tó vera sterkasta liðið á pappírinum - Ísrael hevur sínar styrkir, men Ísrael hevur ongan heimavøll, sum 

Tey flestu peika kanska á Norðurmakedónia, sum einki stig fekk í sínum bólki, og sum Føroyar spældu tríggjar tættar dystir ímóti í 2023-2034 (javnleik heima og tvey 1-0 tap í Skopje, har tað kundi verið koppað hinvegin).

[object Object]
Brandur Hendriksson, sum hjálpti til sum greinari á Tórsvølli í gjár, í Georgia í juni 2025. Føroyar kunnu enda við georgum í týðandi dystunum um uppflyting í mars næsta ár (Mynd: Sverri Egholm)

Georgar kunnu eisini verða tiknir. Georgia er styrkismett beint við Norðurmakedónia, og Føroyar spældu ein tættan venjingardyst í Tbilisi í juni í fjør. Georgia verður eisini uttan størstu stjørnuna -Kvaratskhelia - í mars 2027.

Dystirnir verða spældir í døgunum 25. - 30. mars. Føroyar skulu spæla á heimavølli fyst, óansæð hvat.

Dagført: 22.26

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder