Nú byrjar EM-meginumfarið

Tað byrjaði við 24 liðum fyri einari viku síðani. Nú er helmingurin farin heim, meðan tólv lið framvegis kappast um EM-krúnuna: Næstu dagarnir eru tætta miðumfarið á skránni.

Føroyingar lógu eftir tvey umfør í bólkaspælinum væl fyri at koma víðari, men eftir úrslitini týskvøldið (17-máls sigurin hjá Sveis á Montenegro og síðani føroyska tapið fyri Slovenia) brast føroyski dreymurin um Malmö og miðumfarið - sum tóktiskt so veruleikakendur.

Sí eisini: 
Stóra føroyska burturferðin úr Noreg er av álvara byrjað
Brendu ov illa og vóru ov ofta lumpaðir av snildu slovenunum

Føroyar og Sveis spældu javnleik, og síðani vann Sveis við fleiri málum móti Montenegro, enn Føroyar gjørdiu (Mynd: Sverri Egholm)

Myndir: EM-dreymurin brast

Føroyar enda nummar 13, og tað vil siga beint uttanfyri miðumfarið: Ítøkiliga fýra mál frá Sveis sum í morgin skal spæla í Malmö.

Meginumfarið byrjar í dag við trimum á pappírinum ógvuliga spenanndi dystum í Herning. Tann fyrsti verður um eina løtu millum Týskland og Portugal (klokkan 14.30): Tvey lið sum hava tvey stig við víðari.

Danmark tapti fyri Portugal í Jyske Bank Boxen týskvøldið, og av tí at bert tvey lið koma víðari úr hvørjum bólki - og trý hava tvey stig við frá bólkaspælinum - so er stórt trýst á ferfaldu heimsmeistarunum hjá Nikolaj Jacobsen undan dystinum móti fronsku evropameistarunum (klokkan 19.30)

EM-meginumfarið
Fýra umfør verða spæld - liðini hava stig við víðari frá bólkaspælinum, eftir hvussu innanhýsis dystirnir eru endaðir har (t.d. vann Portugal á Danmark og skulu liðini ikki spæla aftur)

Bólkur 1:
Frakland 2 stig
Týskland 2 stig
-----------------
Portugal 2 stig
Spania 0 stig
Danmark 0 stig
Noreg 0 stig

1. umfar, í dag 22. januar
14.30: Týskland - Portugal (TV2 Sport/TV2 Play)
17.00: Spania - Noreg  (TV2 Sport/TV2 Play)
19.30: Frakland - Danmark  (TV2 /TV2 Play)

Bólkur 2: 
Svøríki 2 stig
Slovenia 2 stig
-----------------
Ísland 2 stig
Ungarn 0 stig
Sveis 0 stig
Kroatia 0 stig

1. umfar, í morgin 23. januar
14.30: Ísland - Kroatia 
17.00: Sveis - Ungarn
19.30: Slovenia - Svøríki

Tvey lið koma víðari úr hvørjum bólki