Setti met í 5 kilometra renning

Rennarin Julian Gregersen úr Klaksvík hevur sett nýtt met í 5 kilometra renning á landavegi.

Frælsur Ítróttur Føroya skrivar, at tað var ein stór løta fyri føroyska langteinarenning, tá Julian Gregersen týskvøldið rann 5 kilometar við tíðini 15 minuttir og 05 sekund – og harvið sló eitt 32 ára gamalt føroyskt met!

Tað var í 1993, at navnframi Albert Marni Joensen rann 5 kilometrar á landavegi upp á 15 minuttir og 24 sekund – eitt met, sum síðani hevur staðið órørt.

Men nú hevur Julian skrivað søgu við síni framúr tíð á Dashing Deer 5K í London.

Kappingin Dashing Deer 5K er partur av eini væl umtóktari kappingarrøð, ið verður hildin í vøkru Battersea Park.

Her luttaka bæði úrvalsrennar og dugnaligir motionistar. Julian var millum fremstu rennararnar hendan dagin.

Julian Gregersen er ein av trimum langteinarennarum, sum verður við á oyggjaleikunum í Orknoyggjum í summar, har hann m.a. skal fenna 5 kilometrar á breyt.

Sami Albert Marni Joensen eigur eisini føroyska metið á hesum teininum. Tað ljóðar upp á 9 minuttir og 06,94 sekund. Spennandi verður, um tað metið eisini verður tikið, og hvussu langt tað røkkur.