Stuðulsdystur millum StÍF og Kyndil veteranar

Hóskvøldið 31. mars skipa kvinnu- og mansliðini hjá Stíf fyri stuðulstiltaki í Høllini á Skála.

Stuðulin verður latin Reyða Krossi Føroya til hjálparátøk í sambandi við kríggið í Ukraina.

Tiltakið byrjar kl 18.30 við vørutombula, og klokkan 19 verður stuðulsdysturin millum mansveteranar hjá Stíf og Kyndli.

Eftir dystin verður eisini uppboðssøla av leikaraklæðunum hjá Stíf-kvinnunum, sum blivu føroyameistarar í fjør, og leikaraklæði hjá mansliðnum verða eisini seld á uppboðssølu.

Meira kunning fæst her.