Tann fyrsti av seks dystum næstu 16 dagarnar

Flogbóltssamband Føroya skrivar, at kvinnurnar fyrrapartin hava havt seinastu venjingina undan dystin móti Lettlandi.

Ársins fyrsti dystur hjá Føroyum í Silver League verður klokkan 17. Hetta verður tann fyrsti av seks dystum næstu 16 dagarnar hjá føroysku kvinnunum.

Tveir teir fyrstu dystirnir verða spældir í Lettlandi - Ísrael er á skránni í annaðkvøld. Í næstu viku vitja Norðurmakedónia og Eysturríki á Sandi, áðrenn Føroyar spæla móti Íslandi og Luksemborg í Luksemborg mitt í juni. 

Mynd: Flogbóltssamband Føroya

Dysturin í kvøld verður tann fyrsti hjá italska venjaranum Ciro Zoratti

Uppgerðin sæst á eurovolley.tv fyri eitt gjald. Til ber eisini at fylgja við HER.