U15: - Í løtuni eru hini londini frammanfyri okkum í menningin

Tað gekk als ikki eftir vild hjá føroyska U15-landsliðnum við dreingjum, sum í síðstu viku tóku lut í UEFA menningarkapping í Norðurírlandi.

Hetta vóru teir fyrstu landsdystirnir hjá teimum allarflestu, tað var á grasi, og avbjóðingin var stór.

– Vit taptu allar dystirnar greitt og megnaðu als ikki at fóta okkum á vátu og ringu grasvøllunum. Talan var um rættuliga avbjóðandi umstøður, ið ikki vóru egnaðar til fótbólt. Men soleiðis er viðhvørt, og tað mugu vit bara royna at læra av.

Hetta sigur Jógvan Martin Olsen, venjari hjá U15-landsliðnum við dreingjum, við heimasíðuna hjá FSF.

Tríggir dystir vóru á skránni hjá føroyska liðnum Norðurírlandi. Sum fsf.fo skrivar, so vóru úrsltini vóru einki at reypa av. Í fyrsta dystinum taptu Føroyar 9-1 fyri norðurírsku vertunum, síðani 7-0 móti Luksemborg og til seinast 3-0 fyri Litava. Tað vil siga samanlagt 1-19

Málið hjá Føroyum skoraði William Kruse Hansen, ið spælir fyri Hvidovre í Danmark.

– Vit koma fram til nakrar álopsroyndir, men í verjuspælinum góvu vit ov nógv løtt mál burtur. Samstundis mugu vit eisini staðfesta, at í løtuni eru hini londini frammanfyri okkum í menningini á so at siga øllum økjum. Sum heild var hetta uppliving, sum allar kunnu vera vónbrotnir av, staðfestir Jógvan Martin Olsen.