U15 dreingirnir vunnu á Liktinstein

Føroyska U15 fótbóltslandsliðið hjá dreingjum spældu í dag vinadyst móti Liktinstein í Ruggell í Liktinstein.

Hetta var fyrri av tveimum dystum, sum dreingirnir spæla móti Liktinstein á ferðini, og hetta gjørdist ein góð byrjan.

FSF skrivar, at dreingirnir vunnu fyrra dystin 4-3. Heini Sørensen skoraði tvey mál, meðan Hjarnar Johansen og Sigurð Rasmussen gjørdu hvør sítt.

Seinni dysturin millum londini verður spældur leygardagin kl. 13.

(Føroysku málskjúttarnir, Hjarnar Johansen, Heini Sørensen og Sigruð Rasmussen, í 4-3 sigrinum á Liktinstein - Mynd: Hanus Eliasen / www.fsf.fo)