Víkingur í steypafinaluni fyri fyrstu ferð

Annað liðið í steypafinaluni hjá kvinnum 5. oktober er funnið.

Víkingur vann 4-0 í fyrru hálvfinaluni móti B36, og gjørdi aftur bart, tá liðini møttust í seinnu hálvfinaluni í kvøld.

Við 5-0 og samlaðum 9-0 sigri móti B36 vann kvinnuliðið í Eysturkommunu seg á fyrsta sinni í steypafinaluna.

Jensa Tórolvsfóttir skoraði trý mál meðan Mona Rasmusdóttir og Rakul Sørensen tóku sær av hinum báðum málunum.

Hetta er fyrstu ferð, at víkingakvinnur eru í steypafinaluni.

Hvat mótstøðuliðið hjá Víkingi verður í finaluni, verður greitt 26. september, tá NSÍ og HB hittast í seinnu hálvfinaluni. Runavíkskvinnur hava annað beinið í finaluni, tí tær vunnu heili 5-1 móti teimum reyðu og svørtu.

Finalan í steypakappingini hjá kvinnum verður á Tórsvølli 5. oktober.