Agnar Prestá
Tað var helst eingin ivi um, at Hillerød fer at sakna Adrian Rúnasson Justinussen. Sjón fyri søgn er fingin fyri hesum í dystunum, síðani skiftið til Hillerød, sum fer fram 1. januar, er kunngjørt. Hetta tí at Adrian hevur verið við í øllum málunum hjá Hillerød síðani.
Hann skoraði í javnleiki í síðstu viku, og í dag skoraði Adrian Justinussen sítt tíggjunda mál í 14 dystum hetta kappingarárið. Harvið er 27-ára gamli føroyingurin toppskjútti í næstbestu donsku deildini.
Málið varð avgerandi í Hobro. Tað var til 1-2 í 42. minutti, og tað komu ikki fleiri mál í dystinum.
Harvið er Hillerød framvegis oddalið í Betina-deildini
Málið hjá Adrian Justinussen var góður stútari eftir innlegg úr vinstru. Vongurin hevði sjálvur lagt upp til 1-0 málið longu í 2. minutti eftr hart og gott frísparksinnlegg úr vinstru.
Meinhard Egilsson Olsen og Kolding vunnu í gjár 1-0 á botnliðnum Middelfart, og er harvið væl við í tætta oddastríðnum
Lyngby, har Dan Brimsvík í løtuni er við í venjaratoyminum, taptu í dag dramatiskan dyst í Aalborg (3-2). Lyngby er nummar 3 - fýra stig frá Hillerød
Martin Agnarsson spældi 90 minuttir, tá Aarhus Fremad tapti 1-0 fyri Esbjerg á heimavølli.
Vinarliga broyt tínar kennifíla - og privatlívsstillingar fyri at síggja hetta innihald