Andrias Edmundsson sigraði í søguligum dysti

Síðsta kappingarár var Andrias Edmundsson við at fáa Wisla Plock upp í bestu pólsku deildina. Í dag var so aðalroyndin hjá Andriasi í Ekstraklasa - og tann fyrsti dysturin nakrantíð hjá einum føroyingi í deildini, sum er í topp-15 í Evropa.

Hetta gekk heilt væl.

Andrias Edmundsson og Plock tóku ímóti Korona Kiekce, sum í summar hevur víst Áka Samuelsen stóran áhuga.

Útiliðið fekk tvey reytt kort - eitt longu í 7. minutti og hitt fimm minuttir eftir steðgin. Plock fekk brotasspark beint fyri steðgin og tók av ølllum hesum. Í 77. minutti økti Wisla Plock eisini til 2-0.

Harvið var Andrias við at halda málið reint - undir góðum umstøðum. Føroyski landsliðsmiðverjin spældi 90 minuttir sum ein av trimum miðverjum.