Brá Zakariasardóttir til NSÍ

Nú farið verður undir endaspæl í Betridelidni hjá kvinnum styrkir NSÍ seg við 17 ára gomlu Brá Zakariasardóttir.

NSÍ sigur, at hon spælir við felagnum restina av kappingarárinum.

Brá Zakariasardóttir er uppvaksin í FC Hoyvík, har hon hevur spælt í ungdómsdeildunum. Hon fór til B36 tá hon var 15 ára gomul, har hon eisini fekk sínar fyrstu minuttir í bestu deildini. Hon hevur leikt 22 dystir hjá Betri kvinnum og hevur skotið 12 mál.

Brá Zakariasardóttir her í B36 (Savnsmynd: Sverri Egholm)

Hon hevur seinasta árið verið í Danmark, har hon hevur spælt við U19 liðnum hjá Fortuna Hjørring.

Nú er hon vend heim aftur á klettarnar, og kemur at spæla í gulu blusuni restina av kappingarárinum.