Dávid Reynheim er italskur meistari

17-ára gamli Dávid Reynheim hevur í kvøld megnað nakað, sum eingin føroyskur fótbóltsspælari hevur gjørt áður.

Hann hevur verið við til at vunnið eitt italskt meistaraheitið.

Talan er um fremstu kappingina í U17-fótbólti í einum av heimsins fremstu fótbóltstjóðum.

Seinastu tíðina hevur tað verið skipað sum eitt endaspæl, og har hevur Torino sligið fyrst Inter Milan (í tveimum dystum) út og síðani Udinese.

Dávid Reynheim skorar her sítt fyrsta Betrideildarmál sum 16-ára gamal (Mynd: HB/RS Media)

Í kvøld var risafelagið AC Milan á skránni í Rom. Føroyski áleyparin byrjaði inni í finaluni.

Dávid Reynheim fekk annars ein snudd í fótin í fjórðingsfinaluni, men eins og pápin Kári Reynheim í Landskrona á sinni, spældi hann við binding um fótliði og stríddist fyri liðið.

Fyrstu 90 minuttirnir endaðu við málleysum javnleiki. Heldur einki mál kom í longdu leiktíðini, men í brotsparkskappingini var Torino stinnari.

Harvið hevur Dávid, sum er uppvaksin í HB, fingið eitt flott gullheiðursmerki í sínum fyrsta ári í italskum fótbólti. Torini keypti hann seinasta summar - næsta ár snýr tað seg um U19-fótbólt og at menna seg víðari á høgum stigi.