Agnar Prestá
Føroyar hava aftur gjørt tað - ella Føroyar hava fyri fyrstu ferð gjørt tað.
Manslandsliðið hevði ongantíð bast Kekkia áður, men tað glapp, tá triði undankappingarsigurin kom til høldar á einum fantastiskum kvøldi á Tórsvølli.
Øll málini komu eftir steðgin. Fyrst Hanus Sørensen eftir fráíkt mótálop, og síðani Martin Agnarsson við sínari fyrstu nerting eftir innskiftingina.
Eitt hetjukent verju- og stríðsavrik lá eisini aftanfyri, og føroyska fjøldin spældi væl við. Alt gekk upp í eina hægri eind hjá Eyðuni Klakstein og hansara monnum - millum annað útskiftingarnar.
Stigametið fyri eina undankapping er væl og virðiliga sett við at røkka tólv stigum - samrøður og nógv meira seinni.
Undankappingin til HM 2026 - Bólkur L
Í dag, sunnudagin 11. oktober
Føroyar - Kekkia 2-1 (0-0)
67'Hanus Sørensen (Jákup Biskopstø Andreasen) 1-0
78' Adam Karabec 1-1
81' Martin Agnarsson (Meinhard Egilsson Olsen) 2-1
Føroyar (5-4-1): Mattias Lamhauge - Jóannes Kalsø Danielsen, Odmar Færø, Gunnar Vatnhamar, Andrias Edmundsson og Viljormur Davidsen - Árna Frederiksberg (80' Árni Frederiksberg), Brandur Hendriksson Olsen (55' Jákup Biskopstø Andreasen), Geza Dávid Turi (85' Noah Mneney), Hanus Sørensen (80' Martin Agnarsson)- Jóan Símun Edmundsson (55' Meinhard Egilsson Olsen)
Venjari: Eyðun Klakstein
Støðan í bólkinum:
1. Kroatia 13 stig (5 dystir)
2. Kekkia 13 stig (7 dystir)
3 Føroyar 12 stig (7 dystir)
4. Montenegro 6 stig (6 dystir)
5. Gibraltar 0 stig (5 dystir)
Vinarliga broyt tínar kennifíla - og privatlívsstillingar fyri at síggja hetta innihald