Føroyingauppgerð og oddadystur á Viaplay klokkan 18

Eftir sjey umfør eru stórur spenningur ovarliga á stigatalvuni í Betina Liga, og fleiri føroyingar eru íblandaðir.

Kolding og Hillerød hava 13 stig hvør og eru á ávikavist 2. plássi og 3. plássi í næstbestu donsku deildini.

Oddabrak í næstbestu donsku deildini í dag (Skíggjamynd: BetinaLiga)

Tey hittast í Kolding klokkan 18 føroyska tíð. Dysturin sæst á Viaplay.

Føroyskir landsliðsspælarar við stórum leikluti

Meinhard Egilsson Olsen er nú varaliðformaður hjá Kolding, og hevur hann stóran leiklut sum ein álopskendur vinstri vongbakkur. Meinhard, sum nú er aftur á landsliðnum, hevur verið á vikuliðnum tvær ferðir hetta kappingarárið.

Tað hevur Adrian Rúnason Justinussen eisini. Bæði Adrian og Poul skoraðu fyri Hillerød í sigrinum á HB Køge leygardagin og skulu royna at "skaða Kolding" í kvøld.

Sí eisini: Adrian er aftur á vikuliðnum

Fyrst Adrian....

...og síðani Poul Kallsberg, sum skoraði í fyrsta dystinum hann byrjaði inni fyri Hillerød (Myndir: Hillerød Fodbold)

Harvið ein spennandi dystir, við føroyskum brillum, áðrenn landsliðsvindeygað.  

Allir tríggir føroyingarnir byrja inni í kvøld.

Martin Agnarsson er eisini úttikin til uppgávurnar móti Kroatia og Gibraltar. Vinstri bakkurn hevur stórt álit í Aarhus Fremad: Martin skoraði móti Middelfart leygardagin, og byrjar hann aftur inni í uppgerðini við niðurflytararnar AaB.

Hesin dysturin byrjar nú klokkan 17, og sæst hann eisini á Viaplay