Fýra landsdystir á heimavølli innan seks dagar í oktober

Mánakvøldið vann føroyska A-landsliðið við monnum 1-0 á Gibraltar, og týskvøldið vann U21-landsliðið 1-0 í Luksemborg.

Hjá U21-landsliðnum var tað annar útisigurin innan fimm dagar og tann triðji sigurin av trimum gjørligum í hesari undankappingini.

Sí eisini: Níggju stig av níggju gjørligum: U21 gjørdi tað aftur

Stórur føroyskur fagnaður í Luksemborg í gjár (Mynd: FSF)

U21-landsliðið er í løtuni á 1. plássi við fullum stigatali, meðan manslandsliðið er á 3. plássi í sínum HM-undankappingarbólki. Føroyar og Montenegro stríðast um hetta plássið, og hittast tey í næsta umfarinum.

Sí eisini: Eyðun Klakstein: - Nú fara vit eftir stigametinum

Montenegro skoraði í evstu løtu til 1-0, tá Føroyar vitjaðu í mars (Mynd: Sverri Egholm)

Føroyar - Montenegro á Tórsvølli hóskvøldið 9. oktober verður startskotið til nakrar dagar við spennandi landsliðsuppgávum í Føroyum:

Landsdystir á heimavølli í oktober:
Hósdagin 9. oktober á Tórsvølli 
A: Føroyar - Montenegro

Atgongumerki til Føroyar - Montenegro kunnu keypast her 

Fríggjadagin 10. oktober í Klaksvík
U21: Føroyar - Frakland

Sunnudagin 12. oktober á Tórsvølli
A: Føroyar - Kekkia

Týsdagin 14. oktober í Klaksvík
U21: Føroyar - Sveis

Bæði liðini fara eftir stigametum, men talan er eisini um góðar ella stórar fóbóltstjóðir, sum vitja.