Fyrsti HM-skelkurin: Katar snýtti Sveis

Santa Clara gjørdist í kvøld okkara tíð karmur um fyrsta HM-skelkin higartil í 2026-útgávuni.

Stórfavorittarnir í Sveis sótu annars á øllum í 1. hálvleiki í San Francisco'økinum, og áleyparin Breel Embolo skoraði til 1-0 við brotssparki.

Sveis skapti eisini fleiri aðrar góðar vandastøður, og hóast Katar kundi gagnnýtt okkurt stórt sveisiskt mistak, so sá liðið úr Miðeystri ikki út til at megna at fylgja veruliga við.

Soleiðis sá tað eisini ofta út, tá Katar hýsti HM-endaspælinum í 2022, men í 2. hálvleiki í dag lovaði Sveis meira ella minni liðnum hjá Julen Lopetegui inn í dystin, og teir hjá Katar stríddust væl. Ikki tí; Katar kom ikki til nógvar støður, og Sveis hevði framvegis bóltin nógv.

Men tað fleyt ikki væl hjá Granit Xhaka og teimum, tað var óhvast, og so líðandi sá tá út til, at Sveis hevði tikið fótin av spitaranum í ov stóran. Ætlanin var at koyra 1-0 sigurin heim í sólini, men í yvirtíðini gekk galið.

Gott innlegg úr vinstru og so er spurningurin, um tað var royndi Boualem Khoukhi, sum stútaði bólin í netið, ella um talan var um sveisiskt sjálvmál.

Talan var í øllum førum um eitt slag av sjálvmáli hjá Sveis: Vónbrot hjá stórfavorittunum í 1. umfari men hetta áttu teir skuldina av. 

Í leguni hjá Katar var hinvegin ovfarakæti: Fyrsta HM-stigið í søgu landslins kom í hús við málinum í 94. minutti, og bólkurin er víðopin.

Bólkur B - 1. umfar:
Kanada 1 stig
Bosnia - Hersegovina 1 stig
Katar 1 stig
Sveis 1 stig

Í dag, leygardagin 13. juni (Santa Clara)
Katar - Sveis 1-1

Í gjár, fríggjadagin 12. juni (Toronto)
Kanada - Bosnia-Hersegovina 1-1 (0-1)

Sí eisini: USA kom flúgvandi frá byrjan - Kanada tryggjaði fyrsta HM-stigið í søguni

Hóskvøldið 18. juni spæla Bosnia-Hersegovina og Sveis, og Katar og Kanada bresta saman í Vancouver.

---------------------------------------------------------------------------

Bólkur C: 
Í dag, leygardagin 13. juni og sunnudagin 14 juni

23.00: Brasila - Marokko (TV2 Sport X/TV2 Play)

02.00: Haiti - Skotland (DR1/DRTV)