Agnar Prestá
Sunnukvøldið tapti Víkingur Reykjavík oddadyst í Bestu Deild Karla fyri Vali. Tá var liðið uttan Gunnar Vatnhamar, og tað verður tað helst í ein mánaða ella so.
Gunnar greiðir Portalinum frá, at hann fekk ein skaða í knæðið, tá hann blokeraði eitt skot til venjing fríggjadagin.
Hetta var dagin efti 8-0 sigrurin á Malisheva úr Kosovo fyri viku síðani. Leirvíkingurin varð skiftur út í steðginum, tí Vìkingur spardi hann til oddadystin sunnudagin: Íslendska liðið var tá á odda 5-0.
Sí eisini: (Video) Metstóri sigurin hjá Gunnari Vatnhamar og Víkingi
Tíverri kom ein skaði kortini, men tað tykist tíbetur ikki at vera ein av álvarsomu knæskaðunum.
- Tað er óvist, júst hvussu leingi eg skal vera úti. Eg havi í fyrstu syftu fingið at vita, at tað eru 3-5 vikur.
Hetta merkir millum annað, at Gunnar Vatnhamar missur 2. umfar í Conference League, har Víkingur í kvøld spælir fyrra dystin móti Vllaznia í Albania. Helst verður hann eisini úti í báðum dystunum í 3. umfari, sum er ímóti vinnaranum av Brøndby og HB, um Víkingur aftur kemur víðari.
30-ára gamli føroyingurin verður eisini saknaður í tætta íslendska meistarastríðnum, og so er tað landsliðið: Tað eru seks vikur til heimadystin móti Kroatia, har Gunnar Vatnhamar hevði verið kærkomin at havt við sum vant. Tá tað eigur 3-5 vikur nú, kann tað fara at ríða um snarið.
Vinarliga broyt tínar kennifíla - og privatlívsstillingar fyri at síggja hetta innihald