HB-hópurin er farin avstað í góðari tíð

Í góðveðrinum fyrrapartin savnaðist HB-hópurin til venjing á Tórsvølli, áðrenn spælarar og leiðarar fingu ein betri bita í HB-húsinum. 

HB'arar til venjing. Teir hava ikki spælt dyst í 15 dagar (Mynd: Havnar Bóltfelag/Rói Sørensen)

Síðani gekk leiður vestur á flogvøllin, og HB-hópurin fleyg við Atlantic Airways til Edinburgh. Talan er harvið ikki um ein av longu og óhøgligu evropeisku túrunum, og HB-hópurin kemur uppá pláss í góðari tíð.

Umborð (Mynd: Havnar Bóltfelag/Rói Sørensen)

Hiðani er ikki so langt til Motherwell, har HB hósdagin spælir fyrsta dystin hjá liðnum í evropesku kappingunum í 2026. Talan er um 2. umfar í Conference League.

HB kemur inn í kappingina her vegna 2. plássið í landskappingini í fjør, og av tí at KÍ vann greipuna.

Motherwell endaði á 4. plássið í Skotlandi síðsta kappingarár. Talan er um sterka mótstøða, sum liðið - undir leiðlsu av Lukasz Cieslewicz - næstu dagarnar skal fyrireika seg víðari uppá. 

Lukasz Cieslewicz: - Eg taki mær av liðnum so leingi leiðslan ynskir tað

HB er uttan onkrar av spælarunum, sum vanliga er í hópinum, men skal royna at fáa gott útgnagsstøði til heimadystin. Samanlagdi vinnarin skal mest sannlíkt til Finnlands.

Sí eisini: Diop og Moses sleppa ikki til Skotlands vegna vantandi innfararloyvi

Conference League 2. umfar
Fyrri dysturin, hósdagin 23. juli á FIR Park
19.45: Motherwell - HB

Seinni dysturin verður spældur á Tórsvølli 30. juli.