Agnar Prestá
Kvinnuliðið hjá KÍ fær munagóðan styrk til næsta kappingarár. Hetta hevur Portalurin fingið upplýst.
Talan er um Heidi Sevdal, sum hevur verið ein av størstu nøvnum í føroyskum fótbólti í nógv ár.
Sum skilst venur hon fyri fyrstu ferð við nýggju liðfeløgunum í kvøld, og verður skiftið kunngjørt skjótt.
Nýggi KÍ-spælarin hevur eitt ógvuliga sterkt fótbóltsrensl_
Hon hevur spælt 333 dystir í bestu deildini og skorað ikki færri enn 420 mál. Seinastu 13 árini er hon vald til árins áleypara 11 ferðri og seinastu 14 árini hevur hon verið toppskorari 11 ferðir í bestu kvinnudeildini.
36-ára gamla Heidi Sevdal varð aftur toppskjútti í fremstu deildini í fjør og var stórur partur av greipuvinnandi liðnum hjá NSÍ í 2024.
Júst NSÍ var aftur argasti kappingarneyti hjá KÍ í landskappingini í 2025, men nú skal Heidi skjóta mál og annars gera mun fyri KÍ - eisini í Champions League.
Meira seinni
Vinarliga broyt tínar kennifíla - og privatlívsstillingar fyri at síggja hetta innihald