Her er støðan í undanbólkinum undan seinastu umførunum

Eftir eitt flott føroyskt ár - og serliga ein frálíkan oktober - ber tað framvegis til hjá føroyska manslandsliðnum at røkka plássi í HM play-off.

Í morgin fara føroyingar eftir møguleikanum at krýna 2025 við einum sterkum avriki og einum úrsliti í Kroatia. 

Oddaliðið í bólkinum hevur bert latið eitt mál inn og ætlar at tryggja bólkasigurin og HM-plássið í morgin. Føroyar spældu tó ein góðan dyst móti Luka Modric og teimum á Tórsvølli í september (0-1).

Hanus Sørensen, sum skoraði trý mál í tveimum dystum í oktober, var ógvuliga nær við at leggja Føroyar á odda móti Kroatia (Mynd: Sverri Egholm)

Hetta skal til
Nógv skal framvegis koma uppá pláss, um tað skal eydnast hjá Eyðuni Klakstein og hansara monnum - samanlagt nærum eitt undur.

Føroyskur sigur í Kroatia fríggjakvøldið og stig til Gibraltar í Kekkia mánadagin tryggjar Føroyum pláss í HM play-off dystunum. 

Um Føroyar megna at spæla javnleik í morgin - fáa eitt stig - so skal Gibraltar skapa eina risa sensatión og vinna í Kekkia í síðsta umfari. 

Undankappingin til HM 2026 - Bólkur L

Støðan í bólkinum undan tveimum teimum seinastu umførunum:
1. Kroatia 16 stig (6 dystir)
----------------------------
2. Kekkia 13 stig (7 dystir)  - +4 í málúrtøku
----------------------------------
3 Føroyar 12 stig (7 dystir)  +4 í málúrtøku
4. Montenegro 6 stig (6 dystir)
5. Gibraltar 0 stig (6 dystir)

Øll liðini spæla 8 dystir
Eitt'arin kemur beinleiðis til HM-endaspælið 2026 - tvey'arin skal spæla røkkstøkk dystir (play-off)

Í morgin, fríggjadagin 14. november
19.45: Gibraltar - Montenegro
19.45: Kroatia - Føroyar (FM1)

Mánadagin 17. november - seinasta umfar
Kekkia - Gibraltar
Montenegro - Kroatia

Sí eisini: Kroatar kunnu tryggja HM-pláss við stigi móti Føroyum

Dagført 16.20

Meira úr Kroatia seinni