Høgur danskur miðverji gjørt sáttmála við EB/Streym

Sum vit skrivaðu um í síðstu viku, hevur EB/Streymur havt tríggjar útlendingar til royndarvenjing

Nú hevur ein teirra gjørt tvey-ára sáttmála við felagið. Talan er um 21-ára gamla verjuspælaran Laurits Nørby.

- Laurits Nørby er 198 cm høgur. Hann er ein skjótur og sterkur verjuleikari, sum er tryggur í nærdystum. Laurits hevur áður umboðað Hobro í donsku 1. deild og Fjølnir í íslendskum fótbólti.

Soleiðis skrivar EB/Streymur á heimasíðu sínari um høga spælaran í kvøld. 

Har fegnast ítróttarstjórin og hjálpar í EB/Streymi, Niels Pauli Danielsen, fegin um nýggja sáttmálan og spælaran:

– Vit eru sera fegin um at hava fingið Laurits í hópin. Laurits er ein skjótur og sterkur verjuleikari, við nógvum kvalitetum sum passa væl til EB/Streym. Vit síggja stórt potentiali í Lauritsi og eru sera glað fyri at hann spælir við EB/Streymi næstu 2 árini. Vit eru spent at fylgja hansara menning komandi tíðina, sigur ítróttarstjórin.

Sjálvur sigur Laurits Nørby, at hann er errin og til reiðar at arbeiða hart fyri liðið og menna seg.