Jóan Símun Edmundsson eigur nú metið

Gibraltar, Portalurin: Beint áðrenn ein tími varð spældur á Europa Point-leikvøllinum gjørdu Føroyar eina trý-duppulta útskifting.

Hetta var við at venda dystinum, og Føroyar fingu eisini ein nýggjan metmann, í mun til spældar dystir á manslandsliðnum.

Jóannes Kalsø Danielsen, Jóan Símun Edmundsson og Hanus Sørensen á veg á vøllin (Mynd: Sverri Egholm)

Sí eisini: Jóan Símun: - Stórur heiður at hava spælt líka nógvar dystir sum Fróða

Fríggjakvøldið javnaði Jóan Símun Edmundsson metið hjá Fróða Benjaminsen (95 dystir), og í kvøld tók 34-ára gamli áleyparin metið hjá bygdamanninum.

Heidi Sevdal hevur eisini spælt 96 A-landsdystir fyri Føroyar. Hesum rakk hon fyrr í ár.

Les eisini: Heidi Sevdal hevur nú spælt flest A-landsdystir av øllum føroyingum

34-ára gamli toftamaðurin arbeiddi væl í kvøld, var við at fáa lív í álopspartin hjá Føroyum, og var Jóan Símun óheppin ikki at leggja Føroyar á odda, tá hann snýtti málverjan: Aftasti verjuspælarin kastaði seg fyri skotið í evstu løtu.

Annars hevði Jóan Símun Edmundsson skorað sítt níggjunda landsliðsmál. Tann fyrsti, av teimum nú 96 landsdystunum, var móti Fraklandi í 2009, tá núverandi KA Akureyri-spælarin og táverandi B68-spælarin var 18 ára gamal.

Hoyr samrøðu við Jóan Símun Edmundsson her: Metmaðurin: Jóan Símun fegnast um hvønn landsdyst

Undankappingin til HM 2026 - Bólkur L
Í dag, mánadagin 8. september
Gibraltar - Føroyar 0-1 (0-0)
68' Martin Agnarsson 0-1

Føroyar (5-4-1):  Mattias Lamhauge - Jann Benjaminsen, Samuel Johansen Chukwudi, Gunnar Vatnhamar, Andrias Edmundsson, Martin Agnarsson - Árni Frederiksberg (86' Meinhard Egilsson Olsen), Brandur Hendriksson Olsen, Geza David Turi (73' Jákup Biskopstø Andreaen), Jóannes Bjartalíð - Páll Andrasson Klettskarð

59 minuttir: Jóannes Kalsø Danielsen, Jóan Símun Edmundsson og Hanus Sørensen