KÍ basti B36 eftir brotssparkskapping

Tveir minuttir. So lítið restaði í hjá B36 fyri at royndin at koppa KÍ í Klaksvík skuldi verða væleydnað.

Leikliga kom KÍ betri út til 2. hálvleik, men í 58. minutti legði Pætur Petersen B36 á odda eftir upplegg frá Mattiasi Hellisdal. KÍ lat skálvíkingin skifta felag í februar, hóast hann hevði sáttmála við KÍ, so tað hevði verið lagnunnar speisemi, um áleyparin hevði sent KÍ út úr enn einari steypakapping.

Á KÍ-bonkinum vóru teir nógv í iva, um hvør skuldi setast inn, tá sjey minuttir restaðu í. Dávid Biskopstø Andreasen var annar, sum kom inn, og 20-ára gamli klaksvíkingurin gjørdi, eins og í áttandapartsfinaluni, stóran mun.

Í 92. minutti legði ein annar innskiftari, Mads Boe Mikkelsen, av, og so smekkaði Dávid bóltin flatt í B36-málið.

Teir í hvítum og svørtum høvdu ananrs vart ógvuliga væl fyri. Nú vóru teir ónøgdir við, at Rúni Gaardbo stutt frammanundan hevði givið B36 "fyrimun" heldur enn fríspark á KÍ-hálvuni.

KÍ vendi tí eisini í brotssparkskappingini

Í longdu leiktíðini hendi ikki nógv, so tað skuldi avgerast við brotssparkskapping.

Har bjargaði Silas Eysteinsson fyrsta skotinum hjá KÍ - sum Páll Klettskarð skeyt - men síðani skeyt Sìmun Sólheim á stongina. 

Tá so hinir royndu KÍ'arnir allir skoraðu trygt, og Sebiastian John bjargaði skotinum hjá Mattiasi Hellsidal, so kom KÍ víðari til hálvfinalurnar.

Hetta er fyrstu ferð síðani 2022.

Brotssparkskappingin - í vanligari leiktíð endaði tað 1-1.
Sí meira um dystin HER