KÍ-hópurin er komin til Finnlands

Fyrsti evropeiski dysturin hjá føroyskum fótbólti í ár verður klokkan 19 við Djúpumýru. Hetta er í Champions League, og tað er Víkingur, sum hevur heimavøll í hesum førinum.

Champions League 1. umfar, fyrri dysturin
Týsdagin 8. juli
19.00: Víkingur - Lincoln Red Imps (Við Djúpumýru)

Atgongumerki kunnu keypast her

Stroyming: KVF2

Sí eisini: 
Fyrsti Champions League-dystir hjá Víkingi í nærum sjey ár
Arnbjørn Svensson: - Kann geva okkum eitt spenanndi summar og tryggja felagið fíggjarliga í fleiri ár

Liðið, sum vanliga hevur heimavølli í Klaksvík, er farið av landinum - til Finnlands. Har skal KÍ spæla fyrra dystin í 1. umfari í Conference League.

Ferðalagið fór úr Føroyum í morgun, og eftir lítlan steðg gekk leiðin víðari til Vaasa, ið ikki er so langt frá Seinäjoki. Har taka Samuel Johansen Chukwudi og SJK Seinäjoki ímóti hósdagin klokkan 17 føroyska tíð.

Samuel Chukwudi, sum hevur staðið seg væl síðani skiftið úr HB, skal nú aftur royna seg móti KÍ (Mynd: Sverri Egholm)

Tað er nummar fimm í fremstu finsku deildini, sum er sterkari enn Betrideildin, móti suverena føroyska oddaliðnum. Tað burdi verið spennandi; bæði liðini ynskja, at hetta er fyrsta fetið móti einum longum og spennandi evropeiskum summari.

Sambært Norðlýsinum venur KÍ klokkan 19 í kvøld. Síðani er ein heilur dagur afturat at fyrireika seg í. KÍ er so at siga í fullari manning - Jonn Johannesen hevur tó ein snudd.

NSÍ spælir eisini hóskvøldið 19. juli móti finskari mótsstøðu - hetta í Klaksvík har HJK Helsinki vitjar. Meira um hesar dystirnar í morgin.

Conference League 1. umfar
Hósdagin 10. juli

17.00: SJK Seinäjoki - KÍ *
19.45: NSÍ - HJK Helsinki (Við Djúpumýru)

*Dysturin hjá KÍ kann sum skilst stroymast gjøgnum ki.fo