KÍ krýndi eitt framúr kappingarár

1999 var eitt serstakt ár fyri Klaksvíkar Ítróttarfelag. Tá vann flaggskip felagsins, og flaggskipið innan ítrótt í Norðoyggjum, greipuna fyri fyrstu ferð síðani 1967. Sonevnda 66-liðið vann FM og steypakappingina í bæði 1966 og 1967.

Beint fyri aldarskifti var tað undir enska Tony Paris og við sterkari lokari stammu, umframt góðum útlendingum, at KÍ fekk FM og Løgmanssteypið í hús. Nú eydnaðist tað loksins aftur undir Magnusi Powell - tað sum glapp í 2016 og 2022: Bæði stóru føroysku steypini í sama ári.

Svenski venjarin hevur við hepnari hond fingið KÍ aftur á tindin eftir silvur í landskappingini og vónbrot í steypakappingini í fjør. At man kann skifta menn sum Hall Hansson og Patrik Johannesen inn í einari steypafinalu, sigur eitt sindur um styrkina í hópinum. Men handverkið er trygt og gott, og alt hetta sást aftur í finalusigrinum á Víkingi í kvøld.

Sí eisini: KÍ er greipuvinnari fyri fyrstu ferð hesa øldina

Myndir: Jens Kr. Vang

Sí myndir frá stóra KÍ-fagnaðinum á Tórsvølli í kvøld her

KÍ hevur í mun til úrslit í Føroyum verið lýtaleyst: 32 kappingardystir,  28 sigrar og fýra javnleikir. Tann eisini av hesum sigrunum var eftir brotssparkskapping í fjórðingsfinaluni móti B36. Har bjargaði Dávid Biskopstø Andreasen KÍ eyka minuttir við máli til 1-1 í yvitíðini, og eins og í 1/8-finaluni móti HB í Gundadali - í undirtali og við støðuni 1-1 seint í dystinum - vístu teir kongabláu sinnisliga styrki og kynismuna sum hevur eyðkent KÍ í ár.

AB varð skúgvað til viks í hálvfinaluni, og hóast Víkingur serliga hótti eina løtu í 2. hálvleiki í kvøld, so vísti liðið hjá Magnusi Powell seg aftur sum tað sterkasta í Føroyum. 

Hoyr samrøður við KÍ-spælarar, venjara og formann her

Talan er eisini um dýrasta liðið, og í KÍ vilja teir uppaftur meira næsta ár. Einasta tapið í 2025 kom í 3. umfari í Conference League móti Neman Grodno, sum vann 2-0 í seinna dystinum og síðani sendi teir kongabláu út í brotsparkskapping. Í 2026 verður tað Champions League fyri fyrst. Greiða málið í Klaksvík er at náa eitt evropeiskt deildarspæl.

Men beint nú kunnu KÍ'arar fegnast um tvífalt gull. Sìðani 1999 hevur besta kvinnulið felagsins ofta vunnið greipuna og gull sum heild. Í mansfótbólti er tað nú hent fimm ferðir hesa øldina:

2001: B36
2004: HB
2008: EB/Streymur
2020: HB 
2025: KÍ

Her er vert at nevna, at Daniel Johansen, Mads Boe Mikkelsen og René Shaki Joensen eisini vunnu greipuna við HB í 2020. Shaki spældi ikki í finaluni tá - sum eisini vóru móti Víkingi. Men eins og tá skoraði Mads Mikkelsen móti víkingunum. Hesaferð varð tað eftir upplegg frá Danieli

Tøl: FSF og FaroeSoccer

-----------------------------

Finalan um Løgmanssteypið 2025
Fríggjadagin 31. oktober 
KÍ - Víkingur 2-0 (1-0)
37' Mads Boe Mikkelsen (Daniel Johansen) 1-0
90' Páll Andrasson Klettskarð 2-0

KÍ (4-2-3-1): Mark F. Jensen - Jóannes Kalsø Danielsen, Odmar Færø, Gaston Nicholas Tellechea, Daniel Johansen - René Shaki Joensen, Jákup Biskopstø Andreasen, L (65' Hallur Hansson) - Árni Frederiksberg, Mads Boe Mikkelsen (74' Patrik Johannesen), Filip Brattbakk (86' Claes Phillip Kronberg) - Páll Andrasson Klettskarð 

Venjari: Magnus Powell

Víkingur (5-4-1): Bárður á Reynatrøð - Ari Olsen, Atli Gregersen (L), Ingi Arngrímsson (82' Aron Jarnskor Ellingsgaard) Arnbjørn Svensson, Ingi Jonhardsson - Jákup Johansen, Ragnar Skála, Sølvi Vatnhamar, Olaf Bárðarson (91' Arnór Brandsson) - Jørgen Nielsen (82' Rani Hansen) 

Venjari: Jóhan Petur Poulsen

Dómari: Jákup Øssurson Mohr

Áskoðaratal: 3.500

Dagsins spælari: Odmar Færø

Meira um dystin her