KÍ sett royndan kvinnuvenjara

Klaksvíkar Ítróttarfelag hevur sett Kaveh Magnusson í starv sum nýggjan høvuðsvenjara hjá besta liðnum hjá KÍ kvinnum.

Hesum boðar KÍ frá í dag.

Kaveh Magnusson er UEFA A licenseraður venjari við meira enn 25 ára royndum. Hann hevur drúgvar royndir sum venjari og hevur arbeitt við mans-, kvinnu- og ungdómsfótbólti, sigur felagið.

- Við setanini av Kaveh Magnusson fær KÍ ein royndan høvuðsvenjara við sterkum fakligum førleikum, greiðum leiðslustíli og við stórum denti á menning, strukturi og professionalismu, sigur KÍ.

KÍ gjørdist Føroyameistari í fjør við 59 stigum, trý stig frammanfyri NSÍ á øðrum plássi.